Historiku i shkurtë i BISHZ-së 

Shoqata e sotme Bashkimi i Intelektualëve Shqiptarë në Zvicër është themeluar më 29 nëntor 1997. Në këtë ditë, në Kuvendin themelues, merrnin pjesë rreth130 intelektualë të profesioneve të ndryshme: doktorë dhe magjistra të shkencave natyrore dhe shoqërore, inxhinierë, matematicientë, mjekë, juristë, ekonomistë, politologë, sociologë, filologë, arkeologë, profesorë, pedagogë, gazetarë, piktorë, shkrimtarë, kamermanë, designerë, studentë, PC-Specialistë, punëtorë. Në mesin e tyre ndodheshin mysafirët, z. Vladimir Thanati, ambasador i Republikës së Shqipërisë në Bernë, z. Andi Gjonej, ambasador i Misionit të Republikës së Shqipërisë pranë Organizatës së Kombeve të Bashkuara (OKB) në  Gjenevë, z. Daim Iljazi, konzull i IRJM-së në Bernë, prof. dr. Kristian Zindel, prof. Astrit Leka, si dhe të ftuar të tjerë.

Kuvendi themelues është mbajtur në sallën Trianon të Hotelit Schweizerhof në Bernë.

Shoqata është themeluar me qëllim që të bashkoj potencialin intelektual shqiptar në Zvicër dhe atë ta vë në shërbim të çështjes kombëtare në përgjithësi dhe të komunitetit shqiptar në Zvicër. Një prej detyrave themelore të Shoqatës të parashtruara gjatë themelimit ka qenë që ajo të jetë e hapur dhe të bashkëpunoj me përfaqësuesit e ligjshëm të Republikës së Kosovës, të Republikës së Shqipërisë, të shqiptarëve në trevat etnike, me përfaqësuesit e Qeverisë  Zvicerane si dhe me subjektet e organizuara shqiptare në Zvicër, entet dhe shoqatat profesionale simotra.

Shoqata ka marrë përspër që të jetë e hapur e moderne dhe synimet e saja ti sendërton nëpërmjet organizimit dhe zhvillimit të veprimtarive kulturore, projekteve profesionale e shkencore dhe tribunave të ndryshme. Po ashu është parashtruar detyrë e saj që ti përgjigjet sfidave të kohës dhe t’iu paraprijë proceseve në zgjidhjën e problemeve të shqiptarëve në Zvicër. BISHZ-ja, që nga themelimi, në përbërje të vet ka një numër të konsiderueshëm të kuadrove profesionale nga fusha të ndryshme. Veprimtaria e tij është e ndarë në 12 seksione: seksioni për shëndetësi, seksioni për teknikë, seksioni për çështje juridike, seksioni për ekonomi, seksioni për politikë-diplomaci, seksioni për çështje sociale-integrim, seksioni për informim, seksioni për kulturë, seksioni për sport, seksioni për arsim, seksioni për përkthime dhe seksioni për veprimtari botuese.

BISHZ-ja, prej themelimit e deri më tani, ka publikuar në rreth 40 deklarata dhe reagime qëndrimet e saja lidhur me zhvillimet në Kosovë, Shqipëri, Maqedoni, dhe në trevat tjera shqiptare, dhe po ashtu me vëmendje ka përcjellë dhe ka reaguar ndaj të gjitha shkrimeve të pavërteta lidhur me çështjen e Kosovës të paraqitura në mediat zvicerane dhe më gjërë.  BISHZ-ja me qëndrimet e saja të njohura ka mbështetur moralisht dhe me mjete materiale dhe mjete të tjera Ushtrinë Çlirimtare të Kosovës dhe Popullin e Kosovës në luftën e zhvilluar kundër okupatorit serb. Lidhur me këtë, Shtabit të Emergjencës për Zvicër i’a ka vë në dispozicion tri seksione: seksionin për përkthime, seksionin për shëndetësi dhe seksionin për teknikë (fusha e informatikës). Ka organizuar tre takime me përfaqësusit e KNKK në Gjenevë për organizimin dhe ofrimin e ndihmave për Kosovë dhe dy takime me përfaqësusist e Karitas-it, BFF, Kryqit të Kuq të Zvicrës. Ka organizuar grumullimin dhe dërgimin e materialit mjekësor në Kosovë. Rreth njëzetë apele ua ka dërguar institucioneve botërore (OKB-së në Gjenevë, Qeverisë së Zvicrës në Bernë, Këshillit Europian në Strasburg, NATO-s në Bruxel), për ndaljen e menjëhershme të maskrave të bëra nga forcat serbe ndaj popullatës civile dhe të pa mbrojtur në Kosovë. Ka organizuar peticionin: “Mbështetje të fuqishme sulmeve ajrore të NATO-s kundër forcave ushtarake, policore dhe paramilitare të regjimit kriminel të Jugosllavisë“ dhe i’a ka dërguar Zot. Javier Sollana në Bruxel. BISHZ-ja ka marrë pjesë në të gjitha protestat e organizuara në Zvicër për çështjen shqiptare. Ajo ka marrë pjesë në protesën e shqiptarëve në Rambuje të Francës. Po ashtu ajo ka qenë bashkëorganizatore e protestës në Gjenevë për lirimin e pengjeve dhe të burgosëve shqiptarë në burgjet serbe. BISHZ po ashtu i ka shprehur ngushëllime të sinqerta Ambasadës Amerikane në Bernë për tragjedinë e 11 shtatorit 2001 në New York.

Në periudhën 2001-2003, BISHZ-ja, po ashtu ka mbështur të gjitha rezolutat e miratuara të Kuvendit të Kosovës, ka marrë pjesë në dy Konferencat për Invesime në Kosovë të mbajtura në Olten të Zvicrës, si dhe i ka ndihmuar shoqatës SOLIDEST në Gjenevë të udhëhequr prej Zot. Astrit Lekës, në organizimin e Kolokviumit për 125 vjetorin e Lidhjes Shqiptare të Prizrenit të mbajtur në qershor të këtij viti në Gjenevë.

Në maj të vitit 2003, BISHZ-ja i‘a ka dërguar një letër Presidentit të Zvicrës Zotëri Pascal COUCHEPIN dhe ka kërkuar nga ai që në dokumentet e lëshuara për qytetarët nga Kosova në rubrikën e shtetësisë të shënohet Kosovë  e jo Serbi/Mali i Zi, kurse në dhjetor të  2003, BISHZ-ja i‘a ka dërguar një letër-mesazh simpatie anëtarës së Presidencës së Zvicrës, Zonjës Ruth Metzler-Arnold, përmes së cilit BISHZ i ka shprehur mirënjohje dhe falenderime për gjithçka që ajo ka bërë, gjatë mandatit të saj qeverisës, për shqiptarët e Kosovës që përjetuan një tragjedi të vërtetë për shkak të dëbimit me dhunë nga vendi i tyre nga regjimi i Millosheviçit.

Në fushën e kulturës dhe artit shqiptarë, BISHZ-ja, në bashkëpunim me Universitetin e Friburgut ka organizuar mbajtjën e tri ligjëratave për kulturë shqiptare, ka organizuar promovimin e tre librave të autorëve shqiptarë nga Zvicra, Kosova dhe Shgipëria, ka organizuar dy ekspozita të artit figurativ, ka organizuar ditët e filmit shqiptarë në Zvicër në tri qendra të mëdha në Zvicër me pjesëmarrjen e artistës Tinka Kurti, ka paraqitur Kulturën Shqiptare në Takimet  Festive të Kulturave të organizuar në Kështjellen Muze Schloss Waldeg në Solothurn ku organizator ka qenë Ministria e Kulturës së Solothurnit.

Në fushën e sportit, në mars të vitit 1998, BISHZ-ja ka marrë pjesë në takime sportive në të cilat janë mbajtur garat për karate në Luzern të të gjitha shkollave të mesme në nivel të Zvicrës, ku në këto gara, shqiptarët kanë arritur dy fitore: vendin e dytë në kategorinë gjysëm të rëndë në karate, dhe vendin e tretë në kategorinë e rëndë të karates.

Gjatë kësaj periudhe, BISHZ-ja ka organizuar katër tibuna një në fushën e informimit me tutull: “Kosova dhe shqiptarët në mediat evropiane“ dhe tre në fushën e shëndetësisë në temën SIDA.

Përveç këtyre veprimtarive të përmendura, BISHZ, me sukses ka kryer 5 projekte, një nga fusha e shëndetësisë dhe  katër nga fusha e Informatikës dhe ka nxjerrë numrin e parë të revistës Bashkimi - Revistë shkencore, kulturore, artistike dhe sportive.

Puna dhe veprimtaria e BISHZ-së në masë kualitative është mirë e dokumentuar. Lidhur me këtë mund të përmendim, që deri tani, seksioni për veprimtari botuese i BISHZ-së ka nxjerrë 23 botime të brendshme dhe të jashtme.

Gjatë këtyre viteve të punës, BISHZ, ka zhvilluar një aktivitet të gjallë dhe ka realizuar në masë të madhe detyrat e parashtruara në programin e saj. Po formohen lidhje me ente dhe shoqata si motra në Zvicër, duke këmbyer përvojat e udhëheqjës sonë me të tyre. Anëtarët e BISHZ-së janë të kyçur me punë në institucione të rëndësishme zvicerane dhe bashkpunojnë me univesitetetin e Friborgut në Zvicër, Universitet shqiptare në Prishtinë, Tiranë, Tetovë dhe me institucionet qeveritare  shqiptare të Kosovës, të Shqipërisë dhe të trevave tjera shqiptare

Kryetarët e BISHZ-së

1997 – 1999  Dr. sc. Ahmet Xhigoli

1999 – 2001  Jur. i dipl. Nazmi Jakurti

2001 – 2003  Dr. med. Xhevat Salihu

2003 –            Dr. sc. Ahmet Xhigoli

Lista e të gjithë anëtarëve (këshilltarëve)  të gjertanishëm të BISHZ-së

1.

Dr. sc. Ahmet Xhigoli, kryetar; këshilltar; (1997-     )

2.

Jur. i dipl. Nazmi Jakurti, nënkryetar; kryetar; këshilltar  (1997-2002)

3.

Fil. i dipl. Gjuliano Iseini, sekretar (1997-1999)

4.

Prof. Feriz Ferizi, arkëtar (1997-1998)

5.

Ek. e dipl. Florije Rexhaj, arkëtare (1997-1999)

6.

Prof. Arif Elezi, këshilltar (1997-2001)

7.

Jur. i dipl. Ali Sylejmani, këshilltar (1997-1998)

8.

Prof. Kadri Çenko këshilltar (1997-1998)

9.

Dr. med. Shaqir Shala, këshilltar (1997-1998)

10.

Dr. med. Enver Pula, këshilltar (1997-2002)

11.

Dr. med. Sejfedin Haxhosaj, këshilltar (1997-1998)

12.

Prof. Fahri Mahalla, këshilltar (1997-2002)

13.

Dr. Ismet Kuçi, këshilltar (1997-1999)

14.

Mr. Jetullah Haliti, këshilltar (1997-1999)

15.

Inxh. e dipl. Lolita Poda , këshilltare (1997-2001)

16.

Dr. med. Luljeta Nevzati , këshilltare (1997-2001)

17.

Prof. Shaip Beqiri, këshilltar (1998-1999)

18.

Jur. Skender Jusufi, këshilltar (2001-     )

19.

Ismet Rexhaj, administrator; arkëtar (1998-     )

20.

Adnan Mehmeti, administrator; këshilltar (1998-     )

21.

Llokman Beqiri, administrator (1998-     )

22.

Shkumbin Rmoku, administrator (1998-     )

23.

Xhevat Salihu, nënkryetar; kryetar; këshilltar (1999-     )

24.

Sinollah Shehu, sekretar; nënkryetar (1999-     )

25.

Imer Cacaj, këshilltar (2001-2004)

26.

Arbër Ahmetaj, këshilltar (1999-2001)

27.

Abas Fejzullahi, këshilltar; sekretar (1999-     )

28.

Ramiz Shabani, këshilltar (2001-     )

29.

Skender Jusufi, këshilltar (2001-     )

30.

Artan Bajrami, këshilltar (2002-     )

31.

Hana Bajrami, këshilltare (2002-     )

32.

Florim Thaçi, administrator; këshilltar (2002-     )

33.

Agim Gerbavci, administrator; këshilltar (2002-     )

Anëtarë Nderi të Shoqatës

Astrit Leka, 1998

Tinka Kurti, 1998

Ueli Leuenberger, 1998

Mirënjohjet/lavdatat e ndara nga Shoqata

Adnan Mehmeti, 1999

Ismet Rexhaj, 1999

Grupi muzikor “Arbëria“ në Bernë, 1999

Ahmet Xhigoli, 2000/2003

Xhevat Salihu, 2000

Sinollah Shehu, 2000

Vladimir Thanati, 2002

Halim Hida, 2002

Rexhep Rifati, 2002

Nefail Maliqi, 2002

Leonard Marku, 2002

Imer Cacaj, 2002

Enver Pula, 2000; 2002

Skender Nikoliqi, 2001

Ali Nikoliqi, 2001

Astrit Leka, 1998/2003

Skender Jusufi, 2003

Abas Fejzullahi, 2003

Kryetarit të Prefekturës së Kukësit, 2003