INFORMACIONE PËR AUTORËT

Revista Bashkimi i mirëpret artikujt nga autorët e tjerë, brenda dhe jashtë BISHZ-së, të cilët punojnë në fushat e shkencave natyrore dhe shoqërore, në fushën e kulturës, artit dhe të  sportit.

Përmbajtja

Artukulli mund të përshkruaj punimin origjinal, i cili diskuton teknikën e re ose zbatimin, të paraqesë shikimin e punës në fushën e dhënë ose të siguroj informacione udhëzuese. Konceptet dhe principet e propozuara duhet të jenë të theksuara, me informacione të mjaftueshme për të orientuar lexuesin i cili nuk është specialist në atë temë. Fokusi i dëshiruar është në teknologjitë e reja, se sa tek prodhimet. Është me rëndësi të përshkruhen vlerat e punës specifike brenda kufijëve të kornizës së punës së cilës i përkasin.

Artikulli i dërguar në revistë nuk duhet të jetë i publikuar diku tjetër, nuk duhet të jetë i dërguar diku tjetër për publikim ose konferencë aktuale. Ligjet e kopjimit do të zbatohen nëse materiali i publikuar më parë është shfrytëzuar në tërësi ose pjesërisht.

Paraqitja

Artikujt vlerësohen në paraqitje dhe po ashtu në përmbajtje. Është me rëndësi që artikulli të jetë lehtësisht i lexuar dhe që ti paraprijë temat e skicuara në hyrje. Artikulli duhet të përmbajë rezymen, hyrjen, pjesën kryesore, përfundimin, dhe literaturën e cituar. Artikulli duhet të shkruhet në gjuhën shqipe. Mund të shkruhet edhe në njerën prej gjuhëve të popujve zviceran ose në gjuhën angleze. Titulli i artikullit duhet të jetë jo më shumë se 20 fjalë. Rezymea e shkurtër duhet të paraqesë kontributin themelor të artikullit - jo më shumë se 250 fjalë dhe përkthimi i saj në anglisht.

Në Hyrje duhet të jepet formulimi i problemit, paraqitja e rezultateve në të cilat artikulli mbështetet, mënyra e zgjidhjes së problemit dhe përparësitë e tij.  Pjesa qendrore e artikullit mund të jetë e përbërë prej më tepër pjesëve. Në rastin e punimeve teknike, t'i shmangeni zhvillimeve matematikore të cilat e ngarkojnë përcjelljen e artikullit. Rekomandohet shfrytëzimi i shembujve në çdo rast kur kërkohet ilustrimi i procedurës së eksperimentit, mënyra e shfrytëzimit të rezultateve të punimit në rastin konkret ose algoritmi i metodës së paraqitur. Të shfrytëzohet sistemi standard i njësive dhe kuptimeve të përgjithshme të pranuara në fushën e teknikës. Në përfundim të jepet efikasiteti, kufizimet eventuale dhe fusha e zbatimit të rezultateve të fituara. Pjesa e literaturës, citati i artikullit duhet të përmabajë: emrin e autorit, emrin e artikullit (nën thojza), emrin e revistës, numrin e vëllimit, faqet, muaji dhe viti i lëshimit, kurse citati i librit të përmbaj: emrin e autorit, titullin e librit, vendin e lëshimit, botuesi, vitin e lëshimit.

Formati

Dorëshkrimet duhet të shtypen me shtypës të lidhur në PC ose me makinë të shkrimit në fletën e zakonshme të letrës në format A4 me gjërësi të arsyeshme të margjinave. Figurat dhe tabelat do të ri-vizatohen në pajtim me standardet e revistës, kështu që autorët duhet të dorzojnë vetëm skemat e qarta me pamje të qartë. Biografia e shkurtër për çdo autor duhet të dërgohet.

Procesi i publikimit

Artikulli i pranuar së pari do të shikohet për të bërë të sigurt që tema dhe përpunimi janë të përshtatshme për lexuesit e revistës. Ai më vonë do të vlerësohet prej tre ose më tepër recensentëve të pavarur. Komentet dhe sygjerimet e recensentëve do t'i dërgohen autorit, nga i cili do të kërkohet që të bënë përmirësimet e kërkuara. Nëse artikulli rekomandohet për publikim nga recensuesit, dhe pasi autori ka bërë përmirësimet, atëherë artikulli do të përgatitet për publikim. Para se të dërgohet artikulli për shtyp, teksti dhe figurat do ti dërgohen autorit edhe një herë për kontrollë përfundimtare. Koha e përgjithshme për kompletimin e tërë procesit është prej 3 deri gjashtë muaj.

Informacione plotësuse

Kërkohet artikulli i shtypur, i formatizuar, dhe i shkruar në një shtyllë ku përfshinë figurat dhe tabelat. Në plotësim, kërkohet versioni elektronik i tekstit. Adresa e postës është: BISHZ, co: Dr. sc. Ahmet Xhigoli, Grederstrasse 62, CH-4512 Bellach, Switzerland. Posta elektronike mund të dërgohet tek ahmet.xhigoli@bishz.ch