Peticionet  - Protestat – Deklaratat – Reagimet - Letrat

Nr.

Emri i peticionit / protestës / deklaratës / reagimit / letrës

1.

Mbështetje të fuqishme sulmeve ajrore të NATO-S kundër forcave ushtarake, policore dhe paramilitare të regjimit kriminel të Jugosllavisë

2.

Protestë për lirimin e menjëhershëm dhe i pakusht i të gjithë te burgosurve shqiptarë në burgjet serbe, ndriçimi i fatit të të zhdukurve dhe njohja ndërkombëtare e pavarësisë së Kosovës

3.

Mbështetje Kuvendit të Kosovës

4.

Letër ngushlluese ambasadorit të Ambasadës së Shteteve të Bashkuara të Amerikës në Bernë

5.

Letër ngushlluese Familjeve Bytyçi me rastin e vrasjes së djemëve të tyre

6.

Letër-kërkesë Presidentit të Zvicrës, Zotëri  Pascal COUCHEPIN

1. Mbështetje të fuqishme sulmeve ajrore të NATO-S kundër forcave ushtarake, policore dhe paramilitare të regjimit kriminel të Jugosllavisë

Përshkrimi i peticionit:

Në mbledhjën e pestë të sekretariatit të BISHZ-së të datës 12.05.1999 nga kryetari i BISHZ-së dr. sc. Ahmet Xhigoli u dha propozimi dhe i njejti u aprovua nga anëtarët e tjerë të sekretariatit, që BISHZ-ja të organizon peticionin me titull: ”Mbështetje të fuqishme sulmeve ajrore të NATO-S kundër forcave ushtarake, policore dhe paramilitare të regjimit kriminel të Jugosllavisë”. Pas kësaj mbledhje janë përpiluar formularët për mbledhjën e nënshkrimeve dhe u janë dërguar anëtarëve të BISHZ-së dhe mediave shqipe në Zvicër. Mbledhja e nënshkrimeve ka zgjatë prej 15.05.1999 deri më 30.05.1999. Në mbledhjën e gjashtë të sekretariatit të BISHZ-së të datës 03.06.1999 është bërë vlerësimi i numrit të nënshkrimeve të mbledhura të peticionit. Vlerësimi tregon që janë mbledhur gjithsej 1514 nënshkrime të përfshirë në 107 faqe. Pastaj nga dr. Xhigoli është përpilua letra përcjellëse e peticionit të përmendur.

Më 08.06.1999, letra së bashku me nënshkrimet e mbledhura i është dërguar Sekretarit të NATO-s në Bruksel-Belgjikë, dr. Javier Solanës. /axh/

kthehu

2. Protestë për lirimin e menjëhershëm dhe i pakusht i të gjithë te burgosurve shqiptarë në burgjet serbe, ndriçimi i fatit të të zhdukurve dhe njohja ndërkombëtare e pavarësisë së Kosovës

Përshkrimi i protestës:

Më 21.09.2000, BISHZ-ja sëbashku me Universitetin Popullor Shqiptar ne Gjenevë dhe Lidhjën Shqiptare në Botë, dega në Zvicër kanë organizuar protestën në Gjenevë, në të cilën është kërkuar lirimi i menjëhershëm dhe i pakusht i të gjithë te burgosurve shqiptarë në burgjet serbe, ndriçimi i fatit të të zhdukurve dhe njohja ndërkombëtare e pavarësisë së Kosovës. Në këtë protestë kanë marrë pjesë edhe mysafirët e ftuar: Prof. Dr. Pajazit Nushi (kryetar i KMDLNJ), zoti Pjeter Arbnori (ish kryetar i Parlamentit të Shqipërisë), Akademik Esat Stavileci (profesor në Universitetin e Prishtinës), vëllëzërit Simon dhe Mikel Kuzhnini (Udhëheqës të Lidhjes shqiptare në botë), zoti Ramiz Zekolli (kryetar i Lidhjes shqiptare në botë për shtetet e Beneluksit), zoti Ali Nikoliqi (kryetar i Lidhjes shqiptare në botë për Zvicër), zoti Berat Luzha (kryetar i shoqatës së ish të burgosurve politik në Kosovë), zonja Shukrije Rexha (kryetare e këshillit për organizimin e protestave në Kosovë) si dhe dy nëna, (përfaqesuese të nënave të të zhdukurve dhe të burgosurve në Kosovë). /axh/

kthehu

3. Mbështetje Kuvendit të Kosovës

Përshkrimi i deklaratës:

Më 28.05.2002, BISHZ-ja përmes një deklarate publike të dërguar mjeteve mjeteve të informimit në Zvicër dhe Kosovë e ka mbështetur vendimin e drejtë të Kuvendit të Kosovës lidhur me Rezolutën e datës 23.05.2002 të miratuar nga Kuvendi legjitim i Kosovës. /axh/

kthehu

4. Letër ngushlluese ambasadorit të Ambasadës së Shteteve të Bashkuara të Amerikës në Bernë

Përshkrimi i letrës:

Më 18.09.2001, BISHZ-ja, përmes një letre i ka shprehur ngushllime zotit Mercer Reynolds, ambasador në Ambasadën e Shteteve të Bashkuara të Amerikës në Bernë për tragjedinë e ndodhur në New York më 11 shtator 2001. /axh/

kthehu

5. Letër ngushlluese Familjeve Bytyçi me rastin e vrasjes së djemëve të tyre

Përshkrimi i letrës:

Më 29.10.2002, BISHZ-ja, përmes një letre publike të dërguar mjeteve të informimit në Zvicër dhe Kosovë i ka shprehur ngushllime Familjeve Bytyçi me rastin e vrasjes së djemëve të tyre Ukës, Bajramit dhe Baftiut. /axh/

kthehu

6. Letër-kërkesë Presidentit të Zvicrës, Zotëri  Pascal COUCHEPIN

Përshkrimi i letrës:

Më 23.05.2003, BISHZ-ja, përmes një letre të dërguar në adresë të Presidentit të Zvicrës, Zotëri  Pascal COUCHEPIN i ka kërkuar atij që në dokumentet e lëshuara për qytetarët nga Kosova në rubrikën e shtetësisë të shënohet Kosovë  e jo Serbi/Mali i Zi. /axh/

kthehu