Ka lindur më 15 gusht 1958 në Rahovicë të Preshevës, Republika e Kosovës. Shkollën fillore e ka kryer në vitin 1973 në vendlindje, kurse Gjimnazin në Preshevë në vitin 1977. Në vitin 1979 është regjistruar në Fakultetin e Gjeografisë të Universitetit të Prishtinës dhe pas tre viteve i ka ndërprerë studimet.

Në mars të vitit 1982 kalon me punë në Zvicër në Amriswil të kantonit Thurgau, në qershor të vitit 1986 vazhdon punën në Bern. Që atëherë e deri më tani, ka punuar për firma të ndryshme në Zvicër. Si punëtor për firmat: “Berna Roof AG“, “Aare Dach AG“, “M. Schaerer AG”, “Ascom Autelca AG”, si teknikë i informatikës, “Bizzozero/Tecton AG“, “Grize Unternehmungen AG“. Aktualisht punon për firmën “Berna Roof AG“ në Bern dhe paralelisht zhvillon projekte të vogëla dhe të mesme në lëmin e informatikës për klientë të ndryshëm.

Paralelisht me punën e tij, në periudhën 1994-1997, ka kryer shkollimin e mëtejshëm për Informatikë në Qendrën Shkollore për Arsimim Profesional (CISAP) në Bernë, dhe ka fituar titullin PC-Specialist dhe Programer.

Adnan Mehmeti ka përvojë të mirë në lëmin e informatikës. Në periudhën 1997-2001 ka qenë administrator i BISHZ-së, kurse në periudhën 2001-2003 është zgjedhur këshilltarë i BISHZ-së. Aktualisht është këshilltar i Shoqatës, zënvendësudhëheqës i seksionit për veprimtari botuese, formësues kompjuterik i revistës shkencore "Bashkimi" , fomësues i Web-faqës së BISHZ-së, Administrator dhe kryetar i Komisionit të kontroll-revizionit të Shoqatës. Interesi i tij aktual është në përpunimin elektronik të të dhënave, instalimet hardverike dhe softverike të sistemeve të hapura, shërbimet përmes internetit, sistemet operative.

Adnan Mehmeti
BISHZ – VAIS – UIAS
Bleichestrasse 55
CH-3066 Stettlen - Bern
Schweiz
 
Mob: 079 239 97 40
E-mail: adnan.mehmeti@bluewin.ch